მატჩის დღე

დღეს, #თელავი #კავკასიონიარენა #ეროვნულილიგა2020 მე-16 ტურის მატჩი

თელავი ლოკომოტივი

ურთიერთშეხვედრები
1: +0 =1 -0, 1:1
დისკვალიფიკაცია: გიორგი გაბაძე (ლოკომოტივი)
I წრე: 1:1

ამ ტურის ერთ-ერთი ყველაზე საინტრიგო მატჩი თელავში უნდა გაიმართოს, სადაც ეროვნული ლიგის დებიუტანტმა ამბიციური მიზნების მქონე “ლოკომოტივს” უნდა უმასპინძლოს. წინა ტურში, “თელავმა” უმნიშვნელოვანესი გამარჯვება მოიპოვა და 8-მატჩიანი მოუგებელი სერიაც შეწყვიტა.

თუმცა, “თელავს” ჯერ არ გაუნაღდებია ეროვნულ ლიგაში დარჩენა და აქედან გამომდინარე, ამ გუნდისთვის სამივე დარჩენილი მატჩი უდიდეს მნიშვნელობას იძენს. არანაკლები სატურნირო მოტივაცია უნდა ჰქონდეს “ლოკომოტივსაც”, მით უფრო მას შემდეგ, რაც საქართველოს თასის ფინალში… რანგით მეორე ლიგის გუნდები გავიდნენ.

ანუ, ისეთი სიტუაცია შეიქმნა, რომ III ადგილისთვის ბრძოლაში ერთდროულად რამდენიმე გუნდია ჩართული და, მათ შორის, “ლოკომოტივიც”, რომელსაც ერთი მატჩით ნაკლები აქვს ჩატარებული.

ამ თამაშისადმი ინტერესს მწვრთნელების დაპირისპირებაც განაპირობებს. რევაზ გოცირიძეც (“თელავი”) და გია ჭიაბრიშვილიც (“ლოკომოტივი”), წლების განმავლობაში ერთად მუშაობდნენ “საბურთალოში”, როცა ჭიაბრიშვილი მთავარი გუნდის თავკაცი იყო, ხოლო გოცირიძე მეორე გუნდს ხელმძღვანელობდა…

LIVE: https://erovnuliliga.ge/ge/game/5064-tel-loc